Bu sayfa istinsah edilmiş
47
Farzdır katıbe-i âleme îfâ-yı sipâs
Rüşdi Pâşâ'yı re'îs eyledi adliyle Hudây
Sene 1282
Târih-i çeşme
Hem-nâm-ı cenâb-ı püser-i kâsir-i asnâm
Vâli-i mısır hazret-i pâşâ-yı dil -agâh
Sarf eyleyerek Hak yoluna nakd-i atâsın
Hayr ü hasenât eylemedir maksadı her gâh
Ez-cümle yapıp işte bu ser-çeşmeyi kıldı
Bu şâh kulu dergehin ihyâ o felek-câh
Bir çeşme-i dil-cûy-ı musaffâ ki sezâdır
Asılsa gümüş tâs gibi lûlesine mâh
Ol dâver-i zişânın edip ömrünü efzûn
Böyle nice hayrâta muvaffak ede allah
Nûş eyleyip âbın dedim *Ekrem* ona ta’rih
Bu çeşme-i pâk oldu tarâvet-dih-i dergâh
Sene 1283
-
Târih-i vefât
Sad hayf ü sad gam sad keder Kim yok vefâdan bir eser
Ahvâl-i dehre ser-te-ser Bak çeşm-i ibretle biraz
İkbâli idbâra karîn İdbârı saht ü kahr-gîn
