Bu sayfa istinsah edilmiş
Nedir ol çehre o hiddetli nazar
Zâr olan bir kula şefkat de mi yok
İhtiyârî değilim ben de saña
Beni aşk eyledi efgende saña
Hicrine tâb getirmezken ben
Bir de âzâra mı lâyık gördün
Söyle allâhı seversen hele sen
Sana benden kimi sâdık gördün
Bumıdır sende olan resm-i vefâ
Bilmediñ kadrimi zâlim hayfâ
Elverip kesret-i ahbâb saña
Şimdi ettin beni merdûd-ı nigâh
Bulmayıp hiç birini ehl-i vefâ
Soñra ammâ diyeceksin eyvâh
O zamân * Ekrem'i * yâd eylersin
Onu da bulmaz isen n'eylersin
Tahmîs-i gazel
Bilmezdiñ ıztırâb-ı dil ü derd-i firkati
Kahrıñla dem-be-dem koparırdıñ kıyâmeti
Tahmîl ederdiñ âşıka bin türlü mihneti
Sevdiñ görünce ol büt-i âyîne-tal'ati
Kurbânıñ oldıgım nice gördüñ muhabbeti
