Bu sayfa istinsah edilmiş
Sezâ-vâr olduğum gün iltifâta
O mihr-i nâza ol yâr-ı sadîka
Nasıl şükretmeyim her bir dakîka
Vefâ-perverlik etti fi'l-hakîka
eyzan
Olur leb-rîz-i neş'e hâtır-ı zâr
Gelince yâdıma her lâhza her bâr
O nâzik sözler ol âzâde etvâr
eyzan
Niyâz-ı vasla ben kalkışmam ammâ
Göñül hasretle oldu nâ-şekîbâ
Bu hâli eylemiştim yâre îmâ
nakarat
Sezâ-vâr oldugum gün iltifâta
Şarkı
«Şeb-i vuslat sabâha erdi figan» [1][1]
Uyan ey yâr-ı dil-nüvâzım uyan
Geçti hasretle rûzgârım aman
- ↑ Bu mısra bir zat tarafından bir mesîrede bi'l-bedâhe îrâd olunmuş bu vechile şarkı olarak alt tarafı hemen orada taraf-ı âcizânemden ikmal kılınmıştır.
