Kör Emin ve Çerkes Nazmi ve Ziya’nın biraderi Hakkı ve Nazmi’nin biraderi Nuri ve Kenan dahi bu cinayette tamamiyle alakadar oldukları ve Topal Tevfik’le diğer rüfekasının her gün beraber bulundukları hakkındaki ifadatı ve bu husus polisçe isitihsal olunan malumat-ı saire ve diğer rüfekasında da tamamen meseledeki izahatı bahriye mülazımlığından matrud kasabın Fehmi’nin vaki olan itirafatı ve delail-i saire ile taayyün ve tahakkuk etmiş ve bu cinayetin mürettib ve müşevvikleri polis kısm-ı siyasi müdir-i sabıkı Muhib’in delaletiyle Damad Salih Hayreddin Paşa olduğu merkum Fehmi’nin ifadesi ve Kör Emin’in üzerinde bir hane meselesinin netice-i hallinde haksız çıkarsa bin aded lira-yı Osmani vereceğine dair paşa-yı müşarünileyh tarafından verilen sened zuhur etmesi ve bilahire bu babdaki maksad ve esbabı izah olunacağı üzere cürm-i merkumun taraflarından ika olduğu tamamen tahakkuk etmiş ve binaenaleyh tahkikata devam edilmekte bulunmuş olduğundan ikinci raporla aksam-ı sairesi hakkında malumat verileceği tabii bulunduğu maruzdur.
Fi 30/31 Mayıs 1329
Polis Müdür-i Umumisi
İmza Azmi
.jpg)
