Bu sayfa istinsah edilmedi
Ferzendi içün kapansa her bâb
Âguşu kalır onun küşâde!
6
Kalbinde olur onun dü-bâlâ
En gamlı deminde hubb ü şefkat;
«Sevmem!» dedigi zamanda hattâ
Rûhunda kan aglar ol muhabbet!
7
Bir desti ile ederse te'dîb
Bir desti ile eder şefâat;
Bir desti ederse tard ü tagrîb
Bİr desti eder niyâz-ı ric'at.
8
Bir vâlidede eder tecellî
Te'sir-i garîb-i mehd ü medfen!
Yoktur daha dil güşâ teselli
Bir mâder önünde aglamaktan!
9
Ey mâder-i müşfik ü fedakâr
Bu nazmı yazarken agladım ben;
Aglar ederim bu nazmı tekrar
Geldikçe bana selâm senden!
