Bu sayfa istinsah edilmiş
Yaptın bize kalbî vü zekî fırtınalardan
Bir fülk-i ziyâpûş-ı nezâhat;
Ummân-ı sürûdunla nihân kaldı nazardan
Sâhildeki eşvâk-ı hakîkat!
Ey ş'air-i pürdag u elem, ey
Nev'-i beşerin 'aşık-ı mahrûr-ı derûnu,
Rûhun bize nakş etti peyapey
Elvah-ı samîmiyye-i âlâm-ı kurûnu!
Tevfik, eserin felsefenin levha-i ye'si,
Bir ma'kes-i efgan-ı maâşir,
Ulviyyeti baş döndürecek bir şeb-i hissî,
Bir füshat-ı ümmid ü elemdir.
Şi'rin bütün elhân-ı maâni sıfatında
Bir girye-i hemşîre-i millet!
Bir hâle-i dilcû-yı sükûtun vasatında
Feryâd u sürûr-ı ebediyyet!
Ş'air, şeb-i eb'âd u zekâdan
Eş'âra bir âheng-i hayât ettin iâre;
Ey mâh-ı elem, ufk-ı bükâdan
Tarih-i hayâlâtımızı ettin inâre!
Cenab Şahabeddin
