Sabun ve Kefen Satanların Yaptığı Zamlara Dair Buyruldu
İstanbul Kādîsı Fazîletlü Efendi;
Bi-emrillâhi te‘âlâ müstevlî olan hastalık hasebiyle irtihâl-i dâr-ı bekā eyleyen ümmet-i Muhammed’in techîz ü tekfîni içün iştirâ olunan sabun ve kefen i‘tidâl üzere fürûht oluna gelmiş iken ba‘zı tam‘akârlar ümmet-i Muhammed’in intikālini fırsat ittihâzıyla sabun ve kefeni değerinden birkaç kat ziyâdeye fürûht ile ibâdullâhın ızrâr ve rehnedâr olmasına bâdî oldukları ihbâr ve tahkīk olunmakdan nâşî fîmâ-ba‘d hilâf-ı rızâ-yı Bârî vaz‘ u hareket vukû‘a gelmeyerek onunu on bir hesâbından ziyâdeye bir şey fürûht olunmamasına ihtimâm u dikkat olunması husûsuna irâde-i seniyye ta‘alluk itmekle imdi doğramacı ve destgâhlar kethüdâsı ve yiğit başılarını ve kefen fürûht eyleyenleri huzûr-ı şer‘e ihzâr birle bundan böyle hilâf-ı şer‘ ve mugāyir-i emr ü rızâ vaz‘ u hareketden mübâ‘adet ve mücânebet eylemelerini ve zinhâr ve zinhâr tama‘-ı hâma teba‘iyet ile onunu on birden ziyâdeye fürûht eylememelerini ve eğer hilâfı hareket ideri olur ise o misüllü mürtekiblerin bilâ-emân ve’l-su’âl te’dîb-i lâyıkalarının icrâsında dakīka fevt olunmayacağını etrâfıyla gûş u hûşlarına tefhîme mübâderet ve dikkat eyleyesiz deyu
23 N sene [1]227/30 Eylül 1812.
|
Kaynak: Çetin, E. (2018). 1812-1814 Veba Salgınının Üsküdar'a Etkileri. 1, 191-215.çevrim içi erişim 
Bu eser, başka bir eserin bilimsel olmayan metodlarla oluşturulmuş bir transkripsiyonu veya faksimilesi olup ana eserden bağımsız bir telif hakkı korumasına sahip değildir. 5846 sayılı Fikir ve Sanat Eserleri Kanunu'un işlenmiş eserleri tanımlayan 6. maddesine göre; henüz yayımlanmamış olan bir eserin ilmi araştırma ve çalışma neticesinde yayımlanmaya elverişli hale getirilmesi (ilmi bir araştırma ve çalışma mahsulü olmayan alelade transkripsiyonlarla faksimileler istisna olmak üzere) halinde oluşturulan eser telif korumasına tâbi olacaktır. Ancak bu eser kanunun gösterdiği istisna kapsamında olduğundan kamu malıdır. 
|