Nağme-i Seher/iltifâta nakaratlı şarkı
Şarkı
Göñül bend oldu ol ismet-sıfâta
Sezâ-vâr oldıgım gün iltifâta
Yeñi cân geldi cism-i bî-hayâta
nakarat
Sezâ-vâr olduğum gün iltifâta
O mihr-i nâza ol yâr-ı sadîka
Nasıl şükretmeyim her bir dakîka
Vefâ-perverlik etti fi'l-hakîka
eyzan
Olur leb-rîz-i neş'e hâtır-ı zâr
Gelince yâdıma her lâhza her bâr
O nâzik sözler ol âzâde etvâr
eyzan
Niyâz-ı vasla ben kalkışmam ammâ
Göñül hasretle oldu nâ-şekîbâ
Bu hâli eylemiştim yâre îmâ
nakarat
Sezâ-vâr oldugum gün iltifâta