Nağme-i Seher/gönül nakaratlı şarkı
Şarkı
Geçmeden vakt-i safâ mevsim-i gül
Nûş-ı câm eyle hemen durma göñül
Ömr-i bî-hûdedir olmak bî-mül
nakarat
Nûş-ı câm eyle hemen durma göñül
Aklıñ almış yine bir meh-pâre
Eylemiş derdi seni âvâre
Gamı ta'dîle ararsın çâre
eyzan
Meclis âmâde o meh-veş hâzır
Zevke mu'tâd olacak bir demdir
Giryeler nâleler artık nice bir
eyzan
Mest-i lâ-ya'kıl olup subh u mesâ
Bâde-i nâb ile kıl kesb-i safâ
Olma dil-beste-i kaydı-ı dünyâ
Nûş-ı câm eyle hemen durma göñül
-