Nağme-i Seher/Kafiye-i Zâl
Kâfiye-i zâl aded-i gazel 1
Zülfüñ k'ola tahrîk-i sabâdan mütelezziz
Ervâhı eder dâm-ı belâdan mütelezziz
Rûyun n'ola ger hâhiş-i hatt-ı siyeh etse
Kim şu'le olur reng-i dûcâdan mütelezziz
Rindân temâşâger-i âşûb-hırâmıñ
Cânıyla olur rûz-ı cezâdan mütelezziz
Tâ haşre degin aşkla me'lûf-ı azâb et
Yâ Rab dilimi kılma safâdan mütelezziz
* Ekrem * gibi hak-gûyların hâli fenâdır
Âlem olıcak vaz'-ı riyâdan mütelezziz