Nağme-i Seher/Kafiye-i Zâ/Üçüncü Gazel

Vikikaynak, özgür kütüphane

Heves-pezîr-i atâyız nigâra dek gideriz
Kazâgeh-i gam olan bir diyâra dek gideriz
Hevâ-yı aşk ile hâk olsa ten halâs olmaz
Gamıñla hâtime-i rûzgâra dek gideriz
Kanı o gün kim ola hattı ser-nümâ-yı zuhûr
Nesîm-i şevkle semt-i bahâra dek gideriz
Bir oldı tuhfe-i hasretle kârbân-ı vücûd
Reh-i figanı dutup kûy-ı yâre dek gideriz
Çün oldı nâsiyemiz şu'le-rîz-i dâg-ı cünûn
Sabâh-ı mahşer-i âfet-nisâra dek gideriz
Göñülde cezbe-i hüsnün olunca cilve-nümûn
Civâr-ı bâr-geh-i Kirdgâra dek gideriz
Bu nazmı zîb-i kef-i iftihâr edip * Ekrem *
Cenâb-ı * Nâmık *-ı kudsî-şi'âra dek gideriz