Nağme-i Seher/Kafiye-i Nûn/Dördüncü Gazel
Ey âfet-i aşk ehl-i dile başka safâsın
Dünyâ ile ukbâyı deger turfa belâsın
Ey cân-ı belâ-dîde halâs ol kederimden
Hôşâ ki bu gün hâk-i reh-i yâre fedâsın
Ol şu 'le-i dîdâr ki var tavr-ı ruhunda
Mûsâ da olursa sana âşüfte sezâsın
Hem zerrelere bâ 'is-i ârâm-ı dil ü cân
Hem cân u dile zelzele-endâz-ı hevâsın
Şeb-rengi-i hattınla hicâb-efgen-i takdîr
Çâlâki-i gamzenle mühim-sâz-ı kazâsın
Cibrîliñ olur dâg-ı süveydâsı harîmin
Ey feyz-i ilâhî ne aceb nûr-ı hudâsın
Nevmîd koma *Ekrem*-i bî-çâreyi yâ rab
Sen bî-kes ü bî-çârelere feyz-resânsın