Nağme-i Seher/Kafiye-i Mim/On Birinci Gazel
O demki mahrem-i bezm-i cemâl-i yâr olurum
Sükûn-pezîr olacak yerde bî-karâr olurum
Ne dem ki rû-be-reh-i gülşen-i bahâr olurum
Çemen çemen gezerim firkatinle zâr olurum
Degil degil baña lâyık safâ-yı geşt-i çemen
Ki ben de derd ile bir andelîb-i zâr olurum
Elimden alsa felek gam değil bütün vârım
Ferahla ben yine her dem piyale-dâr olurum
Enîsin olma bana mûcib-i sükût olmaz
Firâkını düşünür yine nâle-kâr olurum
Şikâyet eylerim *Ekrem* ol mâha cevrinden
Zamân zamân ne yamân bî-hicâb u âr olurum