Nağme-i Seher/Kafiye-i Kaf/Üçüncü Gazel
Neyleyim geşt-i ser-i kûyunu yâr olmayıcak
Olunurmı heves-i bâg-ı bahâr olmayıcak
Görmez ol meh nigeh-i lûtfuna şâyeste bizi
Zahm-ı tîg-ı gam ile sîne-figâr olmayıcak
Olamaz nâ'il-i dil-hâh cihânda kimse
Mihnet-i keşmekeş-i dehr ile zâr olmayıcak
Kıymet-i mavtın u lûtf-ı Hızır'ı kim bilsin
Düzelip gurbete mehcûr-ı diyâr olmayıcak
Zâhidi nüsha-ı fazl olsa da *Ekrem* çekemem
Rind-i hoş-hâl ü pesendîde-şi'âr olmayıcak