Nağme-i Seher/Kafiye-i Hâ/Sekizinci Gazel

by Recaizade Mahmut Ekrem

Ekrem	Târ oldu tecellî ki mutalleb nazarımda
	Kâkülleri sevdâsı dolaştıkça serimde	Bahâ
Bahâ	Sad pâre durur sînede dil zahm-ı gamından
	Her pâresi sad gülşen açar âhlarımda	Ekrem

Ekrem	Her zerresi dûzah gibi sûz-efgen-i cândan
	Seyret şerer-i âhı dil-i şu'le-verimde	Bahâ
Bahâ	Geçmem heves-i seyr-i gülistân-ı safâdan
	Sedd olsa da bin kûh-ı belâ reh-güzerimde

*Ekrem* gibi hûn-âb-ı ciger fikr-i lebiyle

Lâ'l oldu *Bahâ* kan-ı dil-i pür-güherimde