Nağme-i Seher/Kafiye-i Hâ/Birinci Gazel
Şâd et beni bir kerrecik olsun keremiñle
Öldür gideyim âlem-i ukbâya gamınla
Biñ cevher-i cân verse de âşık bedel olmaz
Bir kerre şehîd olmaga tîg-ı elemiñle
Lâyık degiliz cevrine hem kahrına billâh
Çokdur bizi taltîf ü nüvâziş kereminle
Bülbül yetişir sabrımı sâmânımı yaktın
Âteş gibi te'sir-i nevâ-yı nagmenle
Cem' eyledigin dilleri bilsen ne belâdır
Hep bir yere ol silsile-i ham-be-hamınla
Bî-cân olarak pâyına düşse n'ola *Ekrem*
Sen hande-i nâz eyler iken gonce-feminle