Nağme-i Seher/Kafiye-i Elif/Birinci Gazel

Vikikaynak, özgür kütüphane
İbtida-i gazelliyât
 
Kâfiye-i elif 'aded-i gazel 6
 

Habâb-ı bâdeden oldıkca şekl-i çerh-i dûn peydâ
Eder mevc-i safâsı dilde sad dâg-ı derûn peydâ
Te'âla'llah ne vâsi' pûye-gehtir âlem-i tecrîd
Eder her kays-ı bî-pervâsı bir deşt-i cünûn peydâ
Olan sermâye-dâr-ı feyz-i irfân bezm-i âlemde
Eder Cemşîd-i devrân olsa baht-ı vâjgûn peydâ
Eder kim cezbe-i hüsnünle her bî-gird-i istignâ
Kıyâmet-gâh-ı kûy-ı aşka bir gün reh-nümûn peydâ
Görünce pertev-i mir'ât-ı rûy-ı ismetin kıldı
Çü’sîm-âb ıztırâb-ı merdüm-i çeşmim sükûn peydâ
Olurken pertev-efşân âleme hurşîd-i dîdârın
Ne mümkün eylesin bir zerre-i hâkim sükûn peydâ
Nihânî bir nigâh-ı kem-terîm-fitne-engîziñ
Eder *Ekrem * gibi sad âşık-ı zâr u zebûn peydâ