Kadı Alaaddin Mektubu

Vikikaynak sitesinden
Gezinti kısmına atla Arama kısmına atla

Mektûb-i Mevlânâ Fuzûlî be-Kâzî 'AIâ-'üddin berâ-yı tehniyet-i velâdet-i ferzend

... ki şecere-i 'ilm-ü-'irfân gün günden mûtenevvi' olub semere-i âsâr-ı fevâ'id saçmakdadür ve hadika-i fazl-u-ihsân sehab-ı lûtf-u Rabbaniden tarâvet alub dimag-ı ehl-i îmânı mu'attar kılmaga taze taze şükûfe açmakdadur. Her âyine nakş-bend-i nigâr-hâne-i vücûd kâr-gâh-ı kudretde her dem bir sûret-i mücedded çekmekden hâlî olmaz ve bâg-bân-ı hadika-i cûd riyâz-ı hikmetde her sâ'at bir nihâl-i tâze dikmekden melâlet bulmaz. Eger bu tarîka-i marziyye nehc-i istimrâr bulmasa idi ve bû 'âdet-i ma'hûde müstemir olmasa idi bekâ-yi suver-i nev'iyye sûret-i ihtimâl bulmazdı ve silsile-i nizâma istihkâm müysser olmazdı (Beyt)

Bu bahr-i nîl-gûn bir mevc her sâ'at 'ayân eyler Ûlü-l-ebşâra bir bir keşf-İ esrâr-ı nihân eyler

Beşâşet-i çihre-i rûzigâr ve eser-i sürûr-ı ehâlî-i 'izz-ü-i'tibârdan havass-u 'avâma bu mazmûn vajıh olmuş ve vazi'-ü-şerîf bu sûrete ittilâ 'bulmuş ki edeb-i hikmet-i bâliga-i Rabbânî ve meşi'et-i kudret-i kâmile-i Sübhâni müsted'î-i istidâmet-i revâc-ı şerî'at ve muktezî-i istikâmet-i mülk-ü-millet olub halvet-serâ-yi faziletde müceddeden bir şem'-i fürûzân münevver etmiş ki pertev-i zuhûrundan leme'ât-ı feyz-i rûhânî cemî'-i âfâka yetmiş (Beyt)

Yine gül-zâr-ı cihân hurrem-ü handân olmuş Bir gül açılmış-u-âfâk gülistân olmuş

Mücmelen bu hikâyet kinâyetdür andan ve bu remz dâ'imâ işaretdür aña kim tekmil-i esbâb-ı husûl-i gayet-i 'izz-ü-ikbâl ve tetmîm-i âlât-ı vusûl-i derece-i kemâl tarîkı ile Hazret-i mahdum-i 'alel'itlâk الزی فاق كل هن فی الا قاق ya'nî افضی قضاة المسلمين علا ءالعر والاقبالوالدين رفعالله مدارج اجلاله واعلی شان اقباا dîvân-ı 'inâyet-i ezelî ve maksem-i 'atiyyât-ı lemyezelîden mevhibe-i ferzend-i dil-bend ve 'atiyye-i halef-i sâlih-i sa'âdet-mend birle ser-efraz olmuşlar ve deryâ-yı ârzûda bedraka-i tevfik birle gevher-i maksûda dest-rest bulmuşlar

(Târîh)

Kazî-i 'âdil 'Alâ'üddîn-i 'âlî-kadr kim

Hükm-ü makbûl-i kazâdan hâsıl etmişdür rızâ

Bir halef vermiş aña Izid ki zât-ı kâbili

'İlm kesbini hüner cem'ini etmiş iktizâ

Nakd-i kâzîdür 'aceb mi ol mutahhar nutfeye

Olsa târîh-i vilâdet كو كب اوچ قضا