II. Abdülhamid'in ıskatı ve V. Mehmed'in tahta çıkışı hakkında fetva

Bâb-ı Fetva Daire-i Meşihat

İmamül müslimin olan zeyd bazı mesail-i mühimmei şer’iyeyi kütüb-i şer’iyeden tay ve ihraç ve kütüb-i mezkureyi men ve hark ve ihrak ve beytülmalde tebzir ve israfla müsevvağ-ı şer’i hilafında tasarruf ve bilâ sebeb-i şer’i katl ve haps ve tağrib-i raiyye ve sair gûne mezalimi itiyad eyledikten sonra salâha rücu etmek üzere aht ve kasem etmişken yemininde hanis olarak ahval ve umur-ı müslimini bi'l-külliye muhtel kılacak fitne-i azime ihdasında ısrar ve mukatele ika etmekle menea-i müslimin zeyd-i mezburun tegallübünü izale ettiklerinde bilâd-ı islâmiyenin cevanib-i kesiresinden mezburu mahluğ tanıdıklarına dair ahbar-ı mütevaliye vürut edip mezburun bekasında zarar muhakkak ve zevalinde salah melhuz olmağın zeyd-i mezbura imamet ve saltanattan feragat teklif etmek veya hâl eylemek suretlerinden hangisi erbab-ı hal ve akd ve evliya-yı umur tarafından ercah görülürse icrası vacip olur mu?

Elcevap: Olur. Seyyid Mehmed Ziyaeddin

Kaynak: Gözübüyük, A. Şeref; Kili, Suna (1985). Türk Anayasa Metinleri: Senedi İttifak'tan Günümüze. İstanbul: Türkiye İş Bankası Kültür Yayınları. s. 70  
Telif durumu:

İlk kez Osmanlı İmparatorluğu'nda yayınlanan bu çalışma devletin uluslararası telif anlaşmalarına taraf olmaması sebebiyle kamu malıdır.