Ger Yasağ Oldıyse Ey Dil Çenge De Kanûne De
Ger yasağ oldıyse ey dil çenge de kanûne de
Tevbeler olsun arakla bâde-i gülgüne de
Seyl-i eşgim gibi hergiz bahr-i câri görmedim
Vardım ey Yûsuf cemâlin nil'e de Ceyhûn'e de
Şöyle mest oldum mey-i bezme-i İlâhi ile kim
Nefret etmişdir tabîat benge de afyûne de
Şi'r-i dilsûz ile teshîr etdim âhır ol mehi
İ'tikadım kalmamışdır sihre de efsûne de
Yazdığına kâtib-i kudret berât-ı aşkımı
Sâniyâ kılmış muvâfık şer'e de kanûne de