Gel Gönül İncünme Bizden
— 19 —
Gel gönül incünme bizden
Kalsun gönül yol kalmasun
Evvel âhır yol kadimdür
Kalsun gönül yol kalmasun
Erenler bize pusudur
Yalan söyliyen âsidür
Bu gerçekler nefesidür
Kalsun gönül yol kalmasun
Bahçede açılan güldür
Hakkı söyleyen de dildür
Pes ezelden yol kadimdür
Kalsun gönül yol kalmasun
Başımdadur altın tacı
Budur erenler miracı
Keskindür yolun kılıncı
Kalsun gönül yol kalmasun
Hey Allah’um hey Allah’um
Eyu olmaz benüm âhum
Saltanatlu pâdişâhum
Kalsun gönül yol kalmasun
Ey dîvâne ey dîvâne
Âşık olan kıyar câne
Hâtâyî'm dir taçlu hâne
Kalsun gönül yol kalmasun