Gazel-i Hamaset
Tutmuşuz sancağı biz, kâmet-i dilber yerine
Koymuşuz ol mehi, bir şûh-i semenber yerine
Gün gelir, şu'le verir fark-ı mübâhâtımıza
Geçer ol mâh-likâ mihr-i münevver yerine
İltica eylemişiz sayesine rağbet ile
Koklarız dâmenini bir gül-i hoş-ter yerine
Öyle müştak o kadar beste-diliz biz ana kim
O giderse gideriz bir dahi mahşer yerine
Ne de merdâne durur 'arsa-i heycâde bakın
O mehabet bedel olmaz mı gazanfer yerine
O kadar teşne-lebiz, harb ü vegâye Nâzım
Hûn-i düşmen içeriz, bâde-i ahmer yerine.