Gümülcine'de "Hürriyet" adıyla bir Bulgar mahallesi kurulması

Vikikaynak, özgür kütüphane
Bâb-ı Âlî
Daire-i Sadâret
Tahrirât Kalemi
410

Dahiliye Nezâreti Vekâlet-i Celîlesi’ne

Devletli efendim hazretleri

Gümülcine Kasabası’nın Ermeni Mahallesi ittisâlinde tebaa-i Devlet-i Aliyye’den ve Bulgar ahalisinden mutasarrıfları uhdesinde bulunan vakıf arazi üzerine hâneler ve kilise ve mekteb inşa olunmak ve mekteb ve karakolhâne için mikdar-ı kâfi mahal ifraz edilmek üzere mezkûr arazinin mahalle şekline ifrâğı ve Hürriyet nâmıyla tesmiyesi hakkında Defter-i Hakanî Nezâret-i Aliyyesi’nin 30 Kânûn-ı Sânî sene [1]327 tarihli ve 360 numaralı tezkire-i muhavvelesi üzerine Şûrâ-yı Devlet kararıyla tanzim olunan irâde-i seniyye lâyihası imza-yı hümâyûn-ı cenâb-ı Padişahî ile tasdik buyurularak suret-i musaddakası leffen savb-ı âlîlerine isrâ ve devâir-i müte‘allikaya tebligât icra kılınmış olmakla infazına himmet buyurulması siyâkında tezkire-i senâverî terkîm olundu, efendim.

Fî 14 Cumâdelûlâ sene [1]330 - Fî 18 Nisan sene [1]328 / [1 Mayıs 1912]

Sadrıazam
Said