Ey Cemâlin Sûre-i Seb’-ulmesânî’den Gelür
—11—
Ey cemâlin sûre-i Seb’-ulmesânî’den gelür
Sûretin hattı kitâb-ı âsmânîden gelür
Çünki Hak bir nutk ile bünyâd idübdür âlemi
Hilkat-i eşyâ serâser Künfekânî’den gelür
Men aref’le Hak’kı isbât eylemek âsan değil
Bu lisân-ı gayb-i ma’nâ Câvidânî’den gelür
Gayrdan ummak hatâdır Küntükenz’in râzım
Terk-i tecrîd-i fenâ sâhib maânîden gelür
Âkil ol terk et fenâ dârın baka dârın dile
Şûr ü şer gavga vü kesret işbu fâniden gelür
Her kese lâyık değildir zevk ile vahdet huzûr
Kim huzûr-i zevk-ı vahdet Lâmekânî’den gelür
Değme bir nâdân ile Vîrânî olma hemnişîn
Genc-i mahfî akl-ı kâmil bir virânîden gelür