Bu Gün Bî Cân İdim Ben Câna Erdim

Vikikaynak, özgür kütüphane
—2—

Bu gün bî cân idim ben câna erdim
Ki cânım verüben cânâna erdim
Muhammed çünki ilmin şehri olmuş
Kapu olmuş Şeh-i merdân’e erdim
Ki bin yıl olmadan durmuş yerinde
Muhammed Mustafâ sultâna erdim

Götürdü zulmu adli kıldı zâhir
Muhammed Mehdi-i dervrâna erdim
Bana benden değil işbu vazife
Erenler serveri sırdâne erdim
Cemî’-ül-cem’de cem’ olmuş özü
Hakikat kâmil-i insâna erdim
Yüzü Seb-ul mesânîdir muayyen
Acâyib sûre-i Kur’ân’a erdim
Don edüb giymiş âdem sûretini
Bu imiş sûret-i Rahmân’a erdim
Yüzün gören bulur Hak’dan nedâmet
Nazar-ı rahmet ü gufrâna erdim
Nefesiyle ölü canlar dirilür
Görün kim Îsi-i devrâna erdim
Hüseynî vâsıl-ı Hak’dır hakikat
Ki bir katre idim ummâna erdim