Be Bu Rûm İlleridir Bunda Suhandanlar Olur
Be bu Rûm illeridir bunda suhandanlar olur
Bu İrem gülşenidir murg-i hoş elhânlar olur
Altın üsküflü yalın yüzlü güzel sâkîler
Sohbeti Rûşen eder şem’-i şebistânlar olur
Sski sakın sığayıp nâz ile sakîlik eder
Be bu yerlerde ne hoş serv-i hırâmânlar olur
Cân katar câna dolu içüp öpüştükçe müdâm
Bu da bir kûşe durur bunda güzel hanlar olur
Bir iki cur’a ile aklın alırlar kişinin
Cân u dil gâret eden âfet-i devrânlar olur
Gonce veş bülbül-i dil-bestelerin gönlün açar
Çok güler yüzlü küşâde gül-i handânlar olur
Bir harâbât odur her bucağın seyr etsen
Hayretî gibi nice vâllah u hayranlar olur.