Nağme-i Seher/Kafiye-i Dâl/Üçüncü Gazel
Kader kılmış cemâlin reşk-i rûy-ı enver-i hûrşîd
Saña billâh ser-i tâc olsa lâyık efser-i Hurşîd
Aceb mahv-ı tecelligâh-ı aşkım zerre mi eflâk
Ederdi bulsa kuhl-ı dîde-i rûşenter-i hurşîd
Temâşâ kıl cemâlin zîr-i gîsû-yı siyâhında
Nihândır perde-i ebr içre gûyâ peyker-i hurşîd
Sezâdır dâg-ı âteş-tâb erbâb-ı gam-ı aşka
Mesîha sahk edip sâyîde kılsa cevher-i hurşîd
Düşünce aks-i tâb-ı ârızı câm-ı meye * Ekrem *
Olur her bir habâbı gûyiyâ bir sâgar-ı hurşîd
Çeşmime ser-tâ-be-pâ ecrâm-ı imkân nâ-bedîd
Dilde deryâsıyladır hûn-ı şehâdet kim eder
Katresi sad kerbelâ-yı deşt-i hicrân nâ-bedîd
Ger gidersem haşre giryân seyl-i eşkimden olur
Gülşen-i cennet harâb-âbâd-ı nîrân nâ-bedîd
Bü'l-aceb dîvâne-i aşkım ki * Ekrem * ben olur
Bir nigâh-ı vahdetimde küfr ü îmân nâ-bedîd