Gazel ('dirsün' redifli)

by Zekeriyazade Yahya

“	Koymayub tâkatim feryâda nâlân olmasun dirsün Gözüm yaşını alursun da giryân olmasun dirsün Cefa taıyla mir'ât-ı dilim sad pâre eylersin Ne mümkündür yine hâtır perişan olmasun dirsün Melâhat mülkini teshîr idüb şemşir-i gamzenle Güzellik kişverinde gayri sultân olmasun dirsün Benim zannitdüğüm bu kim gurûr-i hüsnüne bir gün Felek de mihr-i rahşân mah-i tâbân olmasun dirsün Yine kul olmasun Yahyâ sana ey padişâh-ı hüsn Yolumda senden özge kimse kurbân olmasun dirsün	”