Bu sayfa istinsah edilmiş
23
TÂMÂT
Niçün öñünde gülümser sefâ-yı leyle-i tâb?.
Neden yanıñda dolaşmakda hüzn-i cilve-i meâb?..
Niçün durur peş ü pîşinde reng reng sehâb?
Olur buhûr u gayâhib, hevâ ü levha-i âb,
Bu perdeler, bu bulutlar, bu ahterân-ı harâb
Şu vech-i müstetîrin göster ey hilâl-i seher!...
Şu gaym-i muzlime nerden gelir bu feyz-i sefâ?.
Zamân, zamânda olur pür zalâm-ı nûr-ı bekâ!..
Bulut, bulut geçiyor feyz-i lem'a-dâr-ı hudâ..
Yazık, yazık halecân-ı sükût içinde fenâ...
Hazin hazin gülüyor çehreler, ser-i bâlâ...
Güneş, kamer 'acaba nerde ey hilâl-i seher?..
Sefâ-yı tâb ile bir gaym-ı lem'aver pinhân!..
Zalâm-ı gayb içinde keder nihân u 'ıyân!..
