42 NAİMÂ
lu Asitane'ye gelüb Padişaha arzuhal virdikde Pa
dişah hat ile ol sabiye babası ziametini ihsan itmiş
ler imiş. Badehu şehid Tarhuncu Paşa' vezir iken
Boyacı ol ziameti istiyüb: « Bir uşakdadır. Sefere ve
hidmete kadir değil. Bana ihsan eylen. » dimesile
badelmümanaa bir tarıykle virmişidi. Hâlâ ol sabi
I gelüb Üsküdar’da Padişah camiye çıkarken ref’i rık’a
eyledi. Padişah (l) miicaneseti sinnü sal münasebetile ol güdek hatırında: « Bu oğlancık ben ziamet
virdiğim çırağım değil mi ? » deyu sordukda: « Belî,
Padişahım. Bu oğlan odur. Ziametini Boyacı didik
leri zalim alııb gadir eylemiş » deyu haber virdiklerinde bîtevakkuf vezire bir hat yazub: «Şimdi Boya
cı Hasan’ı katil idesin. Ve ziametini yine sabiye
ihsan eyledim. Viresin.» deyu ferman eylediler. Ve
zir Derviş Paşa Boyacı’y* çağırtdı. Geldikde : « Hoş
geldin!» deyu kuuda izin virüb: «ibadullahın suyuna
taarruz itme, zarar çekersin.» deyu nasihatgûne söz
ile iğfal, oldahi: «Varayım sultanım. Yollarını bozub
feragat , ideyim.» deyu taşra çıkdıkda, akibince Çavuşbaşıyı kabine tayin eyledi. Ardınca çıkub : «Seni
Padişah taleb itmiş.» deyu Sarayı Hümayun’a gö
türdü. Badelasır idi. Kapucılar odasında habs, ve
katli içün virilen fermanı gösterdikde : «Salâtı asrı
kılmadım.» deyu abdest alub namaz kılub istiğfarı
ye's ile kıbleye müteveccih ve teslim oldu. Cellâtlar
boğub meyyitini Babı Hümayun pişgâhma ilka itdiler. Cümle mameleki mirîye kabzolunub bir küçük
oğlu var idi. Haremi Hümayuna alındı.
(Naimâ Tarihi, c v, s 323)
[1) Dördüncü Mehmet.
