Tarih-i mehasin-i cihana zib aver olan Cülûs-ı meyâmin-menûs cenab-ı hilafetpenahileri yevm-i mesudundan beru memalik-i mahrusat-ül mesalik-i şahanelerine her yüzden terakkiyat-ı kamileye mazhariyeti emrinde enva' müsaidat ve inayat-ı seniyye-i mülkdaranelerini bidiri' buyurmakta olan padişah-ı kesir-ül asar ve şehneşah mekar-ı meşar veli nimet-i biminnetimiz veli nimet-i aliyan-ı şevketlü kudretlü (Gazi Abdülhamid Han-ı Sani) efendimiz hazretlerinin saye-i irşad ve atafet-i şehriyarilerinde Müze-i Hümayuncada fevk-el memul asar intizam ve terakki nümayan olmuşdur. Nakabil ta'dad olan müessser-i celile ve cesime-i hazret-i hilafetpenahi meyanında müze-i humayunun dahi böyle inzar-ı temaşa-i kiranı bir kamaşdıracak bir parlaklık peyda itmesi takdisat-ı binihayeye seza olan muvaffakıyat-ı meali ayat cenab-ı tacdariden bulunmasıyla muarrız-ı tahmid ve teşekkürde her ne suretle idare-i lisan idilecek olsa bu nimetin zerre-i şükranını olsun ifa' meselesinin yine imkansızlıkdan kurtulamayacağını şübhesiz görürüm.
Maziye irca-ı nazar idecek olursak Müze-i Hümayunun
