Sayfa:Lügat-i tarihiye ve cografiye - 1.pdf/12

Vikikaynak, özgür kütüphane
Bu sayfa istinsah edilmedi

-8-

olduğu arazinin ismidir. Bunlar bütun-u çerakeseden madud olduklarından şübhe yoğisede lisan ve adat ve ahlakları başkadır Abazalar arazi-i mezkurenin cenub ve şimal cihetlerinde büyük ve küçük namlar ile ikiye taksim olunurlar. Başlıca şehirleri (Sohum) ve (Camçıra) ve (Kakra) ve (Piçunda)dır ve nüfusları zükur-ı mevcudeleri ba'd-el hicret kırk elli bin raddesindedir.

bunlar dördüncü asr-ı miladide evvel havali halkıyla beraber Roma devleti himayesinden kurtulub (h 1245 ve m 1829) tarihine kadar kah kendü hallerinde ve kah Gürcistan ve Devlet-i Osmaniye ve İraniye himayelerinde yaşadılar ise de hiç bir vakit Rusya'nın müdahelat ve tehdidatından kurtulamadılar ve bir çoğu (m 1284 ve h 1293) tarihlerinde Memalik-i Osmaniyeye hic ret idüb kalanları Rusya himayesini kabule mecbur oldular.

Rusyalılar Abaza memalikine (Abhazya) dirler ve Yunaniler (Ahay) tabir iderler

<Abaza Mehmed Paşa> Vüzera-i Devlet-i Osmaniye'den meşhur bir zatdır. Bu zat Erzurum valisi iken dersaadetde yeniçerilerin sultan (Osman Han) hazretlerini şehid itdiklerini haber aldığı gibi orada orada bulunan yeniçerileri kamilen katl ve kala topcularını tard idüb şehid müşarülileyhin kanını da'va içün İstanbul'a gideceğini ilan eyledi ve başına topladığı asakir-i kesire ile Ankara'ya doğru yürüdü