başlık
-7-
(Ab-ı Hurşid) Eski şemsperest uleması lisanınca hayat dimekdir Zira bunlar tecelli-i ruhu feyz-i şemsden ibaret zum iderler idi.
(Âbâ') hükema anasıra ümmehat didikleri gibi eflak ve encüme dahi (âbâ) dirler ve bu tesmiye ile ulviyat ve süfliyatın illiyet ve maluliyet tarikiyle yekdiğerine irtibatı meselesine kuvvet virmek isterler vakıa mütekellimin dahi işbu irtibatı inkar itmezler lakin talile de kail olmazlar.
Seyyarat sebieyi erbab ve müdebberat-ı alem itikad iden yahud müdebberat-ı alem didikleri ruhanilerin vasıta-i tedbir ve tesiri zan zan eyleyan erbab-ı azaim ve havas dahi seyyarat-ı mezkureye (âbâ) ve anasıra ümmehat dirler.
Nasari havariyuna yetişmiş olan ve din (İsa) Aleyhisselamı mübahase mükatebe ile neşr iden resullere ve ikinci asr-ı miladiden onüçüncü asr-ı miladiye kadar kilisanın reyi üzerine amel ve hadim olan bütün papaslara (âbâ) ta'bir iderler.
(Abad) Harabın zıddı mamur manasınadır anın içün Hindistan'ın bazı şehirlerine (Allahabad)(Ahmedabad)(Celalabad) tesmiye olundu Mekke-i Mükerreme'ye dahi (Abad) diyenler vardır.
Dersaadetdeki Kağıthane mesiresine Sadabad tesmiyesi sahih değildir sahihi (Saidabad)dır zira kağıdhaneyi ve çağlayanları sadr-ı esbak Said Paşa (H. 1153 M. 1740) tarihinde Fransa'da gördüğü (Versay) çağlayanlarına takliden yapdırmış ve onun namına nisbetle şöhret bulmuş idi.
(Abar)- Avar kelimesine nazar buyrula.
(Abaza)- yahud (Abazya) kafkasyanın cihet-i cenubiside ve Karadeniz ile Kuban Nehri arasında bir kabilenin yahud o kabilenin sakin[1]
- ↑ eee
