Sayfa:Kutadgu Bilig Tıpkıbasım (Fergana Nüshası).pdf/459

Vikikaynak, özgür kütüphane
Bu sayfa istinsah edilmiş
tüzün erdi alçak kılınçı silig uwutluğ bağırsak akı kéñ elig
yağız yér yaşıl kökte erdi küsüş añar bérdi teñri ağırlık üküş
başı erdi öñdün kamuğ başçıka kédin boldı tamğa kamuğ sawçıka
köñül badım emdi anıñ yolıña sewip sözi tuttum bütüp kavlıña
ilâhî küdezgil meniñ köñlümi sewüg sawçı birle kopur kopğumı
kıyâmette körkit tolun teg yüzin elig tuttaçı kıl ilâhî özin


anıñ tört éşi ol awıñu körüp kéñeşçi bular erdi birle turup
iki kadın erdi küdegü iki bular erdi üdrüm bodunda yégi
‘atîk erdi aşnu kamuğda oza bayatka bütügli köñül til tüze
yuluğ kıldı mâlı teni cânını yalawaç sewinçi tiledi köni
basa fârûk erdi kişi üdrümi tili köñli bir teg bodun ködrümi
bu erdi basutçı köni dînka kök şerî‘at yüzindin kiterdi eşük
basa erdi ‘usmân uwutluğ silig kişide üdürmiş akı kéñ elig