Bu sayfa istinsah edilmiş
âhır neler oldı
neler kopdı menüm başuma
dedi
kalkubanı ogul yerümden turı geldüm
boynı sınsun al aygırı butun bindüm
av avlayup kuş kuşlayup gezeriken
buñaldı sürçdi meni yere çaldı
sag uylugum sındı
menüm kara başıma neler geldi
kara kara taglardan haber aşmış
kanlu kanlu sulardan haber geçmiş
demür kapu dervendinden haber varmış
alaca atlu şökli melik katı puşmuş
pusdugından kara taglara tuman düşmiş
yatdugı yerde beg begili tutuñ demiş
karusından ag ellerin baglañ demiş
kan alaca ordusını çapuñ demiş
agca yüzlü kızını gelinini yesîr eyleñ demiş
kalkubanı ogul yerüñden turı gelgil
yelisi kara kazılık atuñ butun bingil
arkurı yatan ala tagı dünin aşgıl
ag alınlu bayundur hânuñ dîvânına dünin vargıl
agır dilden
