Bu sayfa istinsah edilmiş
basata karşu geldi basat babasınuñ elin öpdi aglaşdılar bozlaşdılar anasınuñ evine geldi anası karşu geldi oglancugını kuçdı basat anasınuñ elin öpdi görişdiler bozlaşdılar oguz begleri derildi yemeler içmeler oldı basat eydür
begler kardaş ugrına depegöz ile bulışuram ne buyurursız dedi kazan beg burada soylamış görelüm hânum nece soylamış eydür
kara evren kopdı depegöz
arş yüzinde çevürdüm alımadum basat
kara kaplan kopdı depegöz
kara kara taglarda çevürdüm alımadum basat
kagan aslan kopdı depegöz
kalıñ sazlarda çevürdüm alımadum basat
er olsañ yeg olsañ mere men kazanca olmayasın basat
dedi
ag sakallu babañı aglatmagıl
ag bürçeklü atañı bozlatmagıl
