Bu sayfa istinsah edilmiş
dört yigit nikâb ile gezeridi biri kanturalı biri kara çekür ve oglı kırk kınuk ve boz aygırlu beyrek kanturalı nikâbın serpdi kız köşkden bakarıdı taraklıgı boşaldı kedisi mavladı avsıl olmış tana gibi agzınuñ suyı akdı yanındagı kızlara eydür
hak ta'âlâ atamuñ göñline rahmet eylese kâbin kesüp meni ol yigide verse bunuñ gibi yigit hayf ola ki cânvarlar elinde helâk ola dedi
bu mahalda demür zencîrile bogayı getürdiler boga dizin çökdi boynuzıyıla bir mermer taşı yogurdı penîr gibi ditdi kâfirler eydür
şimdi yigidi atar yıkar serer perter yıkılsun oguz elleri kırk yigit bir beg oglıyıla bir kızdan ötüri ölmek n'olur dediler bunı eşidecek
