Bu sayfa istinsah edilmiş
kızı sebebini nedür degil maña
katı kazab ederem şimdi saña
dedi dirse hânun hâtûnı soylamış görelüm ne soylamış eydür
hây dirse hân baña kazab etme
incinüp acı sözler söyleme
yerüñden örü turgıl
ala çadıruñ yeryüzine dikdürgil
atdan aygırdan deveden bugra koyundan koç öldürgil
iç oguzuñ taş oguzuñ beglerin üstüñe yıgnak etgil
aç görsen toyurgıl
yalıncak görseñ tonatgıl
borcluyı borcından kurtargıl
depe gibi et yıg
göl gibi kımız sagdur
ulı toy eyle hâcet dile
Ola kim bir agzı du'âlınuñ alkışıyıla tañrı bize bir yatman 'ayâl vere
dedi dirse hân dişi ehlinüñ söziyile ulu toy eyledi hâcet diledi atdan aygırdan deveden bugra koyundan koç kırdurdı iç oguz taş oguz beglerin üstine yıgnak etdi aç
