Bu sayfa istinsah edilmiş
oglan bir dahı soylamış görelüm hânum ne soylamış
karşu yatan kara daglar ister olsa
el bayılur
kanlu kanlu sular esen olsa
kanın düşer
kara koç atlar esen olsa
kulun togar
kaytabanda kızıl deve esen olsa
torun verür
agayılda agça koyun esen olsa
kuzı verür
beg erenler esen olsa
oglı togar
sen esen ol anam esen olsun
menden yegrek kâdir size ogul vere
ag südini anam maña helâl eylesün
savaşmagıl kayda döngil baba gerü
dedi hân kazan burada soylamış görelüm hânum ne soylamış eydür
ogul ogul ay ogul
karşu yatan kara tagum yüksegi ogul
güçlü belüm kuvveti cânum ogul
karañulu gözlerüm aydını ogul
alar tañıla yerümden turdugum senüñiçün
koñur atum yorıltmışam senüñ içün
