Bu sayfa istinsah edilmiş
hânum ne soylar eydür
ünüm añla menüm sözüm diñle agam kazan
saguña bakduñ kas kas güldüñ
solına bakduñ çok sevindüñ
karşuña bakduñ beni gördüñ agladuñ
sebeb nedür degil maña
kara başum kurbân olsun babam saña
dedi
demez olurısan kalkubanı yerümden men tururam
kara gözli yigitlerümi boynuma aluram
kan abkaza eline men gederem
altun haça men elümi başaram
pilon geyen keşîşüñ elin öpdüm
kara gözlü kâfir kızın men aluram
dahı senüñ yüzüñe men gelmezem
agladuguña sebeb ne degil maña
kara başum kurbân olsun agam saña
dedi kazan beg alaldı oglanuñ yüzine bakdı çagırup soylar görelüm hânum ne soylar kazan eydür
berü gelgil kulunum ogul
sagum ala bakdugumda kartaşum kara göneyi gördüm
baş kesüpdür kan döküpdür çündi alupdur
