Bu sayfa istinsah edilmiş
allâha şükr eyledi yola düşdi gederek kâfirüñ ılkısına geldi bir at bulurısam tutayım bineyim dedi bakdı gördi gendünüñ deñiz kulunı boz aygır bunda otlanup turur boz aygır dahı bayregi görüp tanıdı iki ayagınuñ üzerine turdı kişnedi beyrek dahı bunı ögmiş görelüm hânum nece ögmiş eydür
açuk açuk meydâna beñzer
senün alınçuguñ
iki şebçiraga beñzer
senüñ gözcügezüñ
ebrişüme beñder
senüñ yelicügüñ
iki koşa kartaşa beñzer
senüñ kulacuguñ
eri murâdına yetürür
senüñ arhacuguñ
at demezem saña
kartaş derem kartaşumdan yeg
başuma iş geldi
yoldaş derem yoldaşumdan yeg
dedi at başını yokaru tutdı bir kulagın kaldurdı yetrege karşu geldi beyrek at gögsin kucakladı iki gözin öpdi sıçradı bindi hisâruñ kapusına geldi otuz tokuz
