Sayfa:Duhan Nizamnamesi - 1291.pdf/4

Vikikaynak, özgür kütüphane
Bu sayfa istinsah edilmedi

(Duhan resmi hakkında nizamnamedir)

(Faslı Evvel)


(tütün zer'ine dairdir)

Birinci madde Bin ikiyüz doksan sene-i maliyesinden itibaren her tütün zer' itmek isteyan kimesne tütün ziraat ideceği mahal yarım dönümden noksan olmamak ve zir' eylediği tütünün gerek tarlada ve gerek sarık ve gerek hunekde tahmini ile tayin mikdarı ve yetişdirdiği mahsulün mahsulün ahire-i füruhtu emrinde işbu nizamnamede minderic olan usul ve şuruta tabi olmak şartıyla hiç bir mahalden izin ve ruhsat taleb itmeksizin kemakan tütün zer'i hususunda serbest olacakdır.

(Faslı Sani)

(tütün mahsulünün ahmin ve tahriri hakkındadır)

İkinci madde her kaza rüsumat memuru tütün mahsulünün mevsim-i idrakinde kaza kaimmakamına tahrira müracaatla tütünler kemalini bulub daha yaprakları koparılmağa başlanmazdan yani tarladan kaldırılabilecek hale gelmezden evvel ol kaza dahilinde mezru' bulunan tütünün kesretine göre bir ve icabı halinde müteaddid tahrir kolları tertib ve her kol içün kazanın meclis-i idaresi ma'rifetiyle rüsumat memuru hazır olduğu halde rüsumat tarafından olmak üzere ikişer nefer ehli ve erbab-ı muhammen intihab olunarak rüsumat idaresi tarafından mahsusa tayin olunacak memur ve katibin refakatine virilerek tahrire çıkarılacak ve bunlar tütününü tahrir idecekleri mahalle vusullerinde orası karye veyahud nahiye ise ihtiyar meclisi ve kaimmakamlık ile mutasarrıflık ve merkez vilayet olan şehir