Sayfa:Bektaşi Şairleri ve Nefesleri 19 Asıra Kadar Cilt 1-2.pdf/229

226

BEKTAŞİ ŞAİRLERİ

---

Ol velâyet ma’deni serdâr-ı şâh-ı gaziyan
Rahmeti deryâsına gark oldu cümle âsiyan
Na’re ursa tâba düşerdi zemin ü âsman
Tîğ-i darbından yere geçti lâîn-i bed güman
Nûr-i Ahmed Hayder-i Kerrâr’ımız Kızıl Deli
Kande baksak dembedem dîdârımız Kızıl Deli

Dağ u taşı mesken oldu bil ana ey merd-i şâh
Zümre-i Âl-i Abâ’nın her biri bir pâdişâh
Bir mahabbet eylesek bin bin eder bî iştibâh
Men fakire anların oldu cemâli secdegâh
Nûr-i Ahmed Hayder-i Kerrâr’ımız Kızıl Deli
Kande baksak dembedem dîdârımız Kızıl Deli

Zâhidâ şek şübhe yoktur evliyâmn râhına
Cennet-i a’lâya irer yüz süren dergâhına
Bu kelâmı vird idüb şâm ü seherde âhına
Gel beru ermek dilersen ol erenler şâhına
Nûr-i Ahmed Hayder-i Keçrâr’ımız Kızıl Deli
Kande baksak dembedem dîdârımız Kızıl Deli

Şah Hasen şâh-ı şehîd ü hem İmâm-ı Âbidîn
Bâkır u Ca’fer İmam Kâzım Rızâ’dır şâh-ı din
Hem Takî vü bâ Nakî Askerdürür şâh-ı zemîn
Mehdi-i sâhib zamân ol evvelin ü âhırin
Nûr-i Ahmed Hayder-i Kerrâr’ımız Kızıl Deli
Kande baksak dembedem dîdârımız Kızıl Deli

Ey Virânî dâmenin elden koma şâhın müdâm
Tâ olasın gün be-gün şâhın yolunda müstedâm
Hubb-i evlâdın hakıyçün eylegil anı tamâm
Kim bu medhi yâd eder şâm ü seherde yâ İmam
Nûr-i Ahmed Hayder-i Kerrâr’ımız Kızıl Deli
Kande baksak dembedem dîdârımız Kızıl Deli