Sayfa:Bektaşi Şairleri ve Nefesleri 19 Asıra Kadar Cilt 1-2.pdf/222

Vikikaynak, özgür kütüphane
Bu sayfa doğrulanmış
219
VİRANÎ

— 7 —

Men gulâm-ı Hayder’im İlyâ’ya yoldaş olmuşam
Zât-ı bilkuvve iken ol pâya yoldaş olmuşam
Ol zaman ki dürr-i ma’nâ nokta-i yek harf idi
Bâ-i Bismillâh ile noktaya yoldaş olmuşam
Yer ü gök ü nüh felek hem arş ü kürsî yoğ iken
Hak ile bir zât idik Mevlâ’ya yoldaş olmuşam
Kün deyüb Azze ve cel ol dem meni var eyledi
Âdem-i hâki olub Havvâ’ya yoldaş olmuşam
Nûr-i Hak’dır mutlaka âbâ vü ecdâdım benim
Anın içün esfel ü â’lâya yoldaş olmuşam
Küntü kenz’in kenziyem ismim dahi Vîrâni’dir
Ol sebebden fahr ile ednaya yoldaş olmuşam


—8—

Hudâ vü Mustafâ’nın bendesiyim
Gulâmım Murtezâ’nın bendesiyim
Hasen’dir hüsn içinde ferd ü yektâ
Cemâl-i Kibriyâ’mn bendesiyim
Ezelden abdiyim şâh-ı Hüseyn’in
Şehîd-i Kerbelâ’nın bendesiyim
Gulâm-ı âl ü evlâdın gümansız
Ali Zeynelâbâ’nın bendesiyim
Muhammed Bâkır’ın yolunda cânım
Fedâdır Hânedânın bendesiyim
Tarîk-ı Ca’feri bâtıl bilenler
Gel ey münkir ben anın bendesiyim
İmâm-ı Kâzım’ın cân ile dilden
Muhibbiyim o hânın bendesiyim
Yedi yer gök yedi Mushaf hakıyçün
Ali Mûsâ Rızâ’nın bendesiyim
Takî’dir dü cihânın âftâbı
Men ol nûr-i bakanın bendesiyim
Hakirim sâilim bâb-ı Nakî’de
Bil ol sâhib atânın bendesiyim