Sayfa:Bektaşi Şairleri ve Nefesleri 19 Asıra Kadar Cilt 1-2.pdf/213

Vikikaynak, özgür kütüphane
Bu sayfa doğrulanmış
210 BEKTAŞİ ŞAİRLERİ

Hem Ali Mûsâ Rızâ’nın aşkına
Tâc-ı ulvî giydi dervîşânımız
Hem Tâkî aşkına kıldı ictinâb
Mâsivâdan dâimâ insânımız
Hem Nâkî kıldı bizi bilcümle pâk
Aşk-ı Hak’dır dilde her mihmânımız
Askerî’ye asker olduk cân ile
Nâci oldu cümle ol merdânımız
Çok hidâyet eyledi Mehdî bize
Hem küşâde eyledi erkânımız
Sâdıka bu fırka-i nâcîlerin
Ol imamlar şâhımız sultânımız

— 2 —

— Hacı Bektaşi Veli hakkında —


Cihânın nâzırı ol kutb-i âlem şâh-i bîhemtâ
Fuâdı kalb-i insânı eder ma’mûr u hem ihyâ
Kani bir bülbül-i kudsî ki ya’ni şâir-i ekmel
Anın deryâ-yi vasfından cihânı pür kıla esdâ
Cihanda nâtüvan mürde dilânı kılmağa zinde
Heman oldur kamu dillerde destan zât-ı bîhemtâ
.................................................
Keremden eyledi ol şah adedsiz zâviye peydâ
Eğerçi mürde-i nemle nazar kılsa hemen hod şâh
Eder sîmürg-i ankadan cihan içre anı anka
Rehinde cân ü serdâde olanlar buldular Hak’kı
Müheyyâdır verilmiştir olara devlet-i ukbâ
Cihanda cümle uşşâka hatâdır dedi Kâmiller
Tarîk-ı bâb-ı lûtfundan ki gayrı kılsalar melcâ
Mükemmel ârife asla gerekmez gayni vaslından
Anınçün şimdi kâmiller geçüb ladan dedi illâ
Hak’kın esrârını bilen anı fehm eyledi anlar
Murâd üzre cemâl-i Zülcelâl’e oldular ilka
Ki ya’ni evvel ü âhır velîler ins-i kâmiller
Anın sırrıdurür tahkik akıl ermez buna lâ lâ