Nazire (gözleriñ redifli)
Nazire
Andırır sevdâfezâ bir subhgâhı gözleriñ
Pertevinden söndürür ervâh-ı mâhı gözleriñ
Âsumanı seyrederken sanki ta'lim eylemiş
Encüm-i seyyâreden yan yan nigâhı gözleriñ
Çokmı bulsa tâbişinden çeşm-i âşık zîb ü fer?
Allah allah serper envâr-ı ilâhî gözleriñ
Bir nigâh-ı merhâmet kıl dîde-i nemnâkine
Handerîz eyler uyûn-ı giryehâhı gözleriñ
Bir nigâhın ehl-i aşk-ı bend-i zencîr eyleyen
Nazra-i sehhâr ile olsun mübâhî gözleriñ
Tıbbiye-yi askeriye şâkirdânından
Cenâb