Mev'îd-i Telakîde

by Cenab Şahabeddin

Mev'îd-i Telakîde

-Tevfik Fikret Bege-
Gelmiş bu cây-ı rûşen-i pakîze hey'ete
Delteng-i intizârr idi bir hasta-i garâm;
Vaz' etmek üzre kalbini rû'yâ-yı vuslata
Beklerdi canşikârını, beklerdi berdevâm!

Artık bu iştiyâka, bu sâat-i hasrete
Çekmek dilerdi sînesi bir sâye-i bekâm,
Bîtâb ü nâşekîb olarak baktı sa'ate:
«Sa'at dokuz buçuk!..» diyerek eyledi kıyâm!

Etti ziyâ-yı sürh ile bir tâb-ı mu'tedil
Fagfur ocaktan ol gül-i sîmine in'ikâs!
İhtâr-ı yâr edince bu şîrin-terin temâs:

«Hâlâ da gelmedi!..» dedi ol hüsn-i sâdedil;
Etti kenâr-ı çeşm-i melûlünde inkisâr
Bir tâze şahdâne-i billûr-ı intizâr!

Cenab Şahabeddin