Adana'ya asker sevki için vapur hazırlanması

Vikikaynak, özgür kütüphane

Bâb-ı Âlî
Daire-i Sadâret-i Uzmâ
Mektubî Kalemi

İdare-i Mahsusa Nezâret-i Behiyyesi'ne

Saadetli efendim hazretleri

Adana'da idâme-i asayiş için Gelibolu'dan bir taburla İkinci Ordu mıntıkasından diğer bir taburun Mersin'e sevki için kumandanlığa tebligât icra olunduğundan bahisle asâkir-i merkûmeyi mahall-i mezkûra îsâl için icab eden vapurların serî‘an ihzâr ve tahriki lüzumu Harbiye Nezâret-i Celîlesi'nden izbâr kılınmakla ber-vech-i iş‘âr iktizâsının âcilen ifasına himmet olunması siyâkında tezkire-i muhibbî terkîm olundu.

Fî 24 Rebîülevvel sene [1]327 - Fî 2 Nisan sene [1]325

Sadrıazam